هذا القسم خاص بالطلاب المسجلين في معهد نيوهورايزنز - حلب
إضافة سؤال  

يمكنكم من خلال هذا القسم طرح جميع استفساراتكم التي تتعلق بالمنهاج الخاص بدورة الويب ديزاين , نحن قادرين معاً على حل جميع المشاكل التي تواجهكم وصولااً إلى تصميم أفضل و لغة برمجية سليمة من الأخطاء

كل ما عليكم فعله هو كتابة سؤالكم عن طريق الضغط على إضافة سؤال و سوف أقوم بالإجابة عليه بأسرع وقت ممكن
 
إسأل محمد وسيم الحافظ
 
رقم السؤال 69
الاسم الكامل احمد حبو
نص السؤال السلام عليكم استاذ وسيم كيفك ؟

مبارك عليك الشهر لو اجت متأخرة شوي.

بس استاذ موقعي الشخصي يلي حجزتو عندك ماعم يفتح عم يكتبلي انو كلمة السر غير صحيحة اذا ممكن تغير كلمة السر وتبعتلي الجديدة والف شكر سلف وكل عام وانت بخير
نص الجواب السلام عليكم و رحمة الله وبركاته

ينعاد عليك بالخير و الصحة و العافية

تم إرسال كلمة المرور إلى بريدك الإلكتروني

لا تترد في السؤال عن أي شيئ آخر

تكرم عيونك

 
رقم السؤال 67
الاسم الكامل waddah
نص السؤال السلام عليكم
ممكن طلب زغنون اد كدا نفس الصفحات الموجودة بالرابط كيف اعملا php عن طريق امر include
http://www.waddahmasri.com/php.rar
نص الجواب لم يقم بالرد بعد .. الرجاء المحاولة لاحقاً

 
رقم السؤال 66
الاسم الكامل لقمان
نص السؤال مرحبا أستاذ كيفك إنشالله بخير
عندي سؤال :رابط التحويل من الصفحة ماعبيتفعل ابدا مابعرف ليش هادا هو الرابط
نص الجواب لقمان بيك

تمت الإجابة على سؤالك في السؤال الذي يسبقك تماماً

رقم السؤال : 65

تكرم عيونك

 
رقم السؤال 65
الاسم الكامل ahmad
نص السؤال مرحبا أستاذ كل عام وانت بألف خير عندي سؤال او هو كود الانتقال من الصفحة إلى موقع أخر ما عبتزبط معي او هادا هو الكود
نص الجواب و عليكم السلام و رحمة الله و بركاته
أتمنى أن تكون بخير

بالنسبة لكود الإنتقال لصفحة أخرى فهو كالتالي:


لا تترد في حال كانت لديك أسئلة أخرى
تكرم عيونك

 
رقم السؤال 62
الاسم الكامل عبيدة الصالح
نص السؤال مرحبا استاذي الغالي كيفك وكيف صحتك بصراحة انا عندي سؤال بس بعيد شوي عن موضوع الويب ديزاين سؤالي هو انت بتعرف شي عن موضوع الهكر وبالأخص تهكير الايميلات وكيف بترجع الايميلات ولو سمحت ممكن تعطيني اسماء برامج هكر اذا بتئدر وشكرا كتير الك ناطر جوابك مشكور استاذي
نص الجواب اهلا و سهلا يا عبيدة بيك
أتمنى ان تكون بخير و صحة و عافية

اعتذر عن مساعدتك بخصوص هالموضوع بسبب عدم متابعتي الشديدة له نظراً لما يسببه من ضرر للآخرين

لكن يمكنني مساعدك بتأمين جدران حماية لحماية نفسك فقط دون التأثير على الآخرين

تكرم عيونك

 
رقم السؤال 61
الاسم الكامل رهام
نص السؤال مرحبا استاذ
انا الهيدر تبع موقعي فلاش... ما عم يتحمل و عم يكتب المتصفح مكانه ان بدو النسخة الحديثة من فلاش بلير كبف بدي حلها

وشكرا
نص الجواب هاادا الموضوع طبيعي جداً و لا يعتبر مشكلة بحد ذاتها, كل المطلوب منك هو تحميل آخر نسخة لمشغل الفلاش فقط .. و الرسالة اللي عم تطلعلك هيه رسالة عم تدلك على موقع أدوبي لتنزلي الفلاش منو فقط لا غير

تكرم عيونك

 
رقم السؤال 59
الاسم الكامل zaher
نص السؤال what’s the difference between xhtml and html
نص الجواب الفروقات كتيرة و تحتاج إلى شرح
لكن يمكنك الاطلاع على هذه الصفحة لمزيد من المعلومات حتى أشرحها في الدرس القادم إن شاء الله

http://0gate.com/forum/thread-42-post-285.html#pid285

تكرم عيونك

 
رقم السؤال 58
الاسم الكامل Molham Franji
نص السؤال استاذي الكريم عم نتعبك معنا بس بدي اسئلك بدي شريط متحرك لاسعار اسهم سوق دمشق للاوراق المالية موجود بهي الصفحة http://www.dse.sy/
بصراحة دورت على الرابط وماقدرت احصلة مشكور استاذي
نص الجواب هلا ملهم بيك

راسل موقع الشركة بطلب إعطاء رابط و في حال ما مشي الحال ارجع حكيني بالموضوع ;)

تكرم عيونك

 
رقم السؤال 57
الاسم الكامل صهيب دقاق
نص السؤال مسا النور يا أحلى أستاذ.

في إلي عتب عليك بشغلتين..

#1 وين الموقع.
#2 ما لاحدا خبرني بتأجيل الدرس ليوم الاثنين.

ولكم جزيل الشكر.
نص الجواب مسا الورد أخي صهيب

لقد أرسلت لك اليوزر نايم و الباسوورد من قبل أسبوع تقريباً على البريد الخاص بك.

أرجو النظر في الجنك مايل

أما على تأجيل الدرس فأنا آسف جداً إلا أني غير مكلف بالاتصال مع الطلاب في هذه الحالات , أعتذر مجددا.

أي سؤال تاني من عيوني

تكرم عيونك.

 
رقم السؤال 56
الاسم الكامل صهيب دقاق
نص السؤال السلام عليكم..
تحية كبيرة إلى الأستاذ محمد وسيم حافظ على جهوده الكبيرة في إشعال شموع العلم والمعرفة في مركز New horizons وأدائه الرسالة على أحسن وجه,
ونعرب نحن طلابك المقصرين عن خجلنا لما تبذله من تحفيز لايرقى لمستوى طموحك إلا أننا نعدك أن نكون عند حسن ظنك بإذنه تعالى
ولكم كل التقدير..
طالبك :أحمد صهيب دقاق
في 3-6-2010
نص الجواب أشكرك جداً أخي صهيب على هذا الكلام الرقيق الذي أفتخر به و أضعه وسام على صدري.

لكني لم أفعل إلا واجبي الذي يفعله بقية كادر نيوهورايزنز , و إن حق الشكر فعلاً فهو يحق للسيد مدير معهد نيوهورايزنز في حلب الأستاذ عبدالله قولي على الدعم الذي يقدمه للفريق الخاص في نيوهوايزنز أيضاً حتى نصل إلى هذا المستوى من الراحة النفسية في الإعطاء و التعليم.

أشكرك مجدداً من أعماق قلبي و أتمنى لك المزيد من التقدم و النجاح.

 
رقم السؤال 55
الاسم الكامل احمد حبو
نص السؤال السلام عليكم.
كيفك استاذ وسيم ؟
منشان تبعتلي الادمن والباسورد
نص الجواب هلا أحمد بيك

تم حجز الموقع و إرسال تفاصيل الدخول إلى البريد الخاص بك

تكرم عيونك.

 
رقم السؤال 54
الاسم الكامل محمد محمد علي
نص السؤال كيفك استاذ وسيم
كيف بدي اروح على الهيلب الخاص بالتصويت دورت على الهيلب جوات الفانتاستيكو وجوات advenced poll بس مالقيتو بدو مسح ولازم اسبتو من جديد ولا بيتعدل عليه نفسو
نص الجواب بدك اتروح على الأدمن الخاص بال poll نفسو - بتلاقي الهيلب موجود أول واحد على اليمين من الأعلى فيك اتفوت و تختار طريقة العرض
* لا تنسى إضافة تصويت واحد على الأقل

تكرم عيونك

 
رقم السؤال 53
الاسم الكامل محمد محمد علي
نص السؤال كيفك استاذ وسيم
تم تحميل الموقع www.mohammed-cv.com
بنجاح شو رأيك بتصميم الموقع .
بس في عندي مشكلة أنو التصويت ماطلع عالصفحة عميعطني( Poll ID 0 does not exist.) خطأ ليش مابعرف
وألف شكر يا استاذ وسيم
نص الجواب أهلا و سهلا محمد بيك

هو عم بقول إنك حاطط للعرض التصويت اللي رقمو صفر .. و ما في عندك تصويت رقمو صفر

لهيك لازم اتغير الرقم بصفحة البي إتش بي اللي هيه الرئيسية عندك برقم التصويت اللي هو فعلاً شغال عندك

أو روح على الهيلب الخاص بالتصويت و اختار الإنكلود الوسطاني و هو بقوم بعرض شو في موجود عندك


تكرم عيونك

 
رقم السؤال 51
الاسم الكامل ahmad
نص السؤال استاذ هاد اول سؤال الي على موقعك الجميل
والسؤال : هو انو عم ساوي بنر فلاش وخلصتو بس بدي ضفلو رابط يعني عم حط زر يمين confert to symbol بعدين عم اختار type button بعدا عم حط زر يمين actions بعدا global functions -
Browser/network
get url وهون عم اتعثر وما عم تظبط معي ممكن تنسخلي شو اكتب هون بالضبط ومشكور سلفاً يا احلى استاذ
نص الجواب بعد ما اتحول من كونفيرت تو سيمبول بتختار بتون و بتكبس زر يمين فوق العنصر و بتختار أكشن

بتكتب فيه التالي:

on (release) {
getURL("http://www.wasiem.com", "_self");

}


تكرم عيونك

 
رقم السؤال 50
الاسم الكامل Mohammad Al Hejazi
نص السؤال مرحبا استاذ
ارسلي المعلومات على الايميل أو على الرقم 0933139614
وشكرا
نص الجواب أهلا و سهلا فيك

تم إرسال المعلومات على البريد الخاص بك / عذراً على التأخير

تكرم عيونك

 
رقم السؤال 46
الاسم الكامل Mohammad Al-Hejazi
نص السؤال كيفك يا استاذ وسيم
انا لحد هلأ ما ظهرت عندي فانتستيكو شوفلي شو القصة
وشكرا
نص الجواب تم نقل الموقع الخاص بك إلى السيرفر الأحدث و تم إضافة خاصية الفانتاستيكو و خاصيات أخرى حديثة أيضاً.

تم تغيير اليوزر نايم و الباسوورد لأسباب أمنية

أرسل رقم الهاتف الخاص بك حتى أستطيع إرسالها لك بصورة آمنة أو بإمكانك الاتصال بي في أي وقت على الرقم التالي :

0956782999

تكرم عيونك

 
رقم السؤال 45
الاسم الكامل kosai alali
نص السؤال شلونك أشتاذ
بخصوص تنزيل المحاضرات بالموقع انا عملت على الشكل التالي
كتبت (المحاضرة الاولى) مثلا
وربطت(المحاضرة الاولى)بملف مضغوط
بدي إذا ضغطت عليها يعطيني السؤال بالفتح أو التحميل
ما هي الطريقة؟
نص الجواب اتعامل مع أي ملف و أنه صورة في وقت الربط

و قم بتحميله على الإف تي بي إلى الموقع

و عند الضغط عليه سوف يقوم بالسؤال أوتوماتيكياً عن حالة الحفظ أو الفتح

تكرم عيونك

 
رقم السؤال 44
الاسم الكامل kosai alali
نص السؤال شلونك استاذ عم استنى شريط
اسعار العملات
ومشكور كتير استاذ
نص الجواب

سوف يظهر كما في الأعلى و بإمكانك التعديل عليه


تكرم عيونك

 
رقم السؤال 43
الاسم الكامل Ahmad shami
نص السؤال كيفك استاذي
كل ماعم ضيف صورة بالفلاش عم بيعطني ملف جديد ليش
نص الجواب استخدم ctrl+R و سوف يتم إدراج صورة فقط

 
رقم السؤال 42
الاسم الكامل kosai alali
نص السؤال مساء الخير شلونك استاذ
بدي شريط أسعار العملات بعد اذنك
نص الجواب

 
رقم السؤال 41
الاسم الكامل رزان اختريني
نص السؤال استاذ حفظت الindex على انهاphp بس كمان ماشتغلت وكيف بدو يكون عندي تصويت واحد على الاقل اذا ما شتغل
نص الجواب تم نقل الموقع الخاص بك
و تم إرسال بريد إلكتروني يتضمن تفاصيل الدخول

لا تتردي في أي سؤال آخر

 
رقم السؤال 40
الاسم الكامل محمد محمد علي
نص السؤال كيفك استاذ وسيم شو أخبارك
من شان نظام ال fantastico مو موجود بال cpanal شو بدي ساوي يمكن الحل من عندك
نص الجواب تم نقل الموقع الخاص بك
و تم إرسال بريد إلكتروني يتضمن تفاصيل الدخول

لا تترد في أي سؤال آخر

 
رقم السؤال 39
الاسم الكامل Ahmad shami
نص السؤال revalidate
نص الجواب لم يقم بالرد بعد .. الرجاء المحاولة لاحقاً

 
رقم السؤال 38
الاسم الكامل fadi saad
نص السؤال سؤال فوتو شوبي :
شلون بدي اشف صورة من صورة
عجب شلون؟؟؟؟؟؟؟
أحلى استاذ بسوريا
نص الجواب بأداة clone stamp tool يا غالي

تكرم عيونك

 
رقم السؤال 37
الاسم الكامل أحمد شامي
نص السؤال تحياتي استاذي يمكن الفرق بين fixedوstatic انو
static:تتحرك عند تغير حجم النافذة بشكل نسبي اماfixedتبقى ثابته
نص الجواب لم يقم بالرد بعد .. الرجاء المحاولة لاحقاً

 
رقم السؤال 36
الاسم الكامل رزان اختريني
نص السؤال استاذ بعد مارفعت موقعي التصويت يلي اخذت من poll منhlep وهو include_once \"/home/razanak/public_html/razan/booth.php\";
echo $php_poll->poll_process(\"newest\");
?>
ماشتغل ليش
نص الجواب مانك حافظة صفحة الإندكس بلغة php ؟
يجب أن تكون صفحة الإندكس حصراً بلغة ال php حتى يعمل.

يجب أن يكون لديك تصويت واحد على الأقل


:) - جربيه و خبريني عالنتيجة في حال ما مشي الحال

بالتوفيق.

 
رقم السؤال 35
الاسم الكامل Razan Akhtarini
نص السؤال كيفك استاذ
ليش على موقعي ماعم ينزل مربع التصويت
نص الجواب هلا يا رزان ..

الشركة اللي حاجزة عندها ما بتقدم هالخدمة / قلتللك احجزي عنا من الأول :)

على كل رح زبطلك الموضوع بأسرع ما يمكن - منعتذر على التأخير.

 
رقم السؤال 34
الاسم الكامل فادي سعد
نص السؤال ماهي الدقة الانسب لحفظ ملفات كنت قد عالجتها على photo shop واريد تصديرها على موقع انترنت (طبعا بالpx(
شكرا استاذنا الفاضل
نص الجواب سؤالك تجتاحه الريبة و يمكن أن يكون له أكثر من 5 أجوبة ..

لكن إن كنت قد عالجت هذه الصورة لتكون تصميما لموقع ما فمن الأرجح حفظها بصيغة jpg و بدقة 8

يعني كل ما قل الحجم كان أفضل فحاول الموازنة بين الجودة و الحجم.

 
رقم السؤال 33
الاسم الكامل kosai
نص السؤال تحياتي أستاذ
الماركي ما عم تصير من اليسار الى اليمين بالعربي
نص الجواب اشتغل بالـ direction / و ليس بالـ dir / و هي عبارة عن أتريبيوت توضع في تاجة الماركي

 
رقم السؤال 32
الاسم الكامل mohammad tarakji
نص السؤال وانا مع فادي
Note: The \"blink\" value is not supported in IE, Chrome, or Safari.
نص الجواب إنت و فادي كلامكون صحيح

 
رقم السؤال 31
الاسم الكامل fadi saad
نص السؤال الحقيقة أنا عندي جواب مو سؤال !!!!
في tagالخاص بـtext- decorationيوجدخيار blinkوكان سؤالك يا استاذ شلون نسخدم هي التعليمة(طبعا هو سؤال العارف بالشيئ)
تستخدم الblink ليومض النص ولكن هذه الميزة لا يفعلها الانترنت اكسبلور هو فقط يطبق على النيتسكايب لذلك لا نستطيع استخدامه
انا ماصبرت ليصير الدرس واخبرك
نص الجواب الله يعطيك العافية

 
رقم السؤال 30
الاسم الكامل عبد اللطيف الوسمي
نص السؤال والله عندي مشكلة انو حابب اعيد الدورة مرة تانية مشان بس شوفك واشوف شوفي تطورات جديدة بعالم الويب ديزاين
نص الجواب إنت بتشرفنا بأي لحظة.

 
رقم السؤال 29
الاسم الكامل محمد علي
نص السؤال كيفك استاذ وسيم
بعد ماصممت الفلاش كيف بدي احفظو من شان أققدر نزلو على صفحة الأنترنت
نص الجواب لازم تحفظو / تصدرو على امتداد swf لحتى تحسن تنزلو بشكل بسيط بالصفحة عن طريق ctrl+shift+f بالدريم ويفر.

 
رقم السؤال 28
الاسم الكامل محمد علي
نص السؤال مسا الخير كيفك استاذ وسيم
بعد ماخلص من تصميم الفلاش بدي احفظو على ان استخدمو بصفحة النت كيف بدي احفظو
ويسلمو سلفا شو بدي اعمل نسيت
نص الجواب لم يقم بالرد بعد .. الرجاء المحاولة لاحقاً

 
رقم السؤال 27
الاسم الكامل قصي العلي
نص السؤال مساء الخير أستاذ وسيم بدي أضيف شريط أخبار للعملات النفيسة شلون؟
نص الجواب مسا الورد ..
بإمكانك تاخد الكود الخاص بالشريط من موقع الكفو - قائمة سكربت و أكواد ( هو مجاني )

بالتوفيق ..

 
رقم السؤال 26
الاسم الكامل محمد علي
نص السؤال كيفك استاذ اول ماعمتفتح صفحة الأنترنت ifreme عميعطيني سكرول بالطول وبالعرض مع أنو القياسات نظامية وعمتطلع خلفية ال ifreme تحت الصورة لون أبض عميتشوه الموقع لأنو عملت لون الموقع لون بني وهي الصفحة رح انسخلك ياها .


( تم الحذف لسهولة الوصول )
نص الجواب مشتاق و في قلبي لوعة تئن في الحشا ..

حط أتربيوت في تاج الآي فريم - اسمو سكرولينج
scrolling="no"


بالتوفيق ...

 
رقم السؤال 23
الاسم الكامل بشار الياس
نص السؤال مرحبا أستاذ وسيم .. كيفك

انا نزلت برنامج sothink swf decompiler وصارت تطلع أيقونتو بالإنترنت اكسبلورر لكن لما بفتح صفحة فيها فلاش وبكبس على أيقونة البرنامج ما بيسوي شي وما عميحسن يحفظلي الفلاش.
ملاحظة: انا منزل ويندوز7
نص الجواب هلا يا غالي ..
نزل آخر إصدار موجود بالسوق
هو على ما أذكر فوق الـ 5

هو غير اللي بتعرفو بس بقوم بنفس العمل

تكرم عيونك.

 
رقم السؤال 21
الاسم الكامل وسيم بستاني
نص السؤال مرحبا استاذ كيفك
انا عم ادخل على لوحة التحكم للموقع ما عم يقبل كلمة السر وحتى على برنامج cute ftp مع انو انا ماغيرت الكلمة وبقيت نفسها
وشكرا كتيييير لالك
نص الجواب اليوم بغيرا و بعطيك إياها بالدرس إن شاء الله

تكرم عيونك.

 
رقم السؤال 16
الاسم الكامل Modar Bilani
نص السؤال كيفك استاذ انا عملت ال iframe
وعملت الروابط اللي بدي ياها
بس ما عم بعرف اربطهم مع الiframe ياريت تقلي
وشكرا لالك
نص الجواب هلا مضر بيك

لازم يكون بعد التاج الخاص بالآي فريم شي اسمو سورس و انحط فيه رابط الصفحة اللي بدها تفتح بشكل أوتوماتيكي بأول الدخول للصفحة اللي فيها آي فريم
ولازم يكون في أتربيوت للنايم name و انحط فيها اسم الآي فريم لحتى نحسن انقللو بالتارجت بإنو يفتح الرابط بحسب الاسم اللي سميناه

مثال :

<iframe name="wasiem" src="رابط الملف اللي بدو يفتح"> this kind of browsers cant use iframe</iframe>


ولازم حط باللينك اللي بدي ياه يفتح بالآي فريم متل هالشي


<a href="رابط" target="wasiem">الشي اللي بدو يتفعل</a>

و أي شي تاني أنا بالخدمة
مع تمنياتي بالتوفيق.

 
رقم السؤال 15
الاسم الكامل أحمد ناشد
نص السؤال مرحباا استاذ...
مشان صفحة الـ view بحسن احط كل خبر بدي اضيفو بصفحة مستقلة؟؟ وشكراً
نص الجواب لازم تعمل صفحة view.php تانية و اتضيف حقل للجدول الخاص بالأخبار بالشي اللي بدك ياه يطلع بالصفحة التانية و اتروح على الصفحة الجديدة و تطلب الرو تبعها

تكرم عيونك.

 
رقم السؤال 13
الاسم الكامل وسيم بستاني
نص السؤال مرحبا.....
شلون بدي احملapacheمن الانترنت وشو اسم الموقع اللي بدي احمل منه
2- انا بدي الشريط الاخباري يكتب مرة انكليزي من جهةالانكليزي ويوقف ومرة تانية عربي من جهة العربي ويوقف ويعيد مرة تانية....الخ وشكرا كتيييير لالك
نص الجواب اسم البرنامج هو php triad

فيك اتحملوا من هالرابط :
http://soft.sptechs.com/7758-PHP-Triad-211.html

ما بالنسبة للشريط الإخباري فإنت عم تحكي عن جافا بشوفك بالدرس و بشرحلك ياها من عيوني

مع تمنياتي بالتوفيق

 
رقم السؤال 11
الاسم الكامل عبيدة الصالح
نص السؤال مرحبا استاذ كيفك كيف صحتك
انا ما عندي سؤال بس حبي اتطمن عليك مو اكتر انا بخير والحمدلله اسف ما قدرت اجي ع الجورة لأني مريت بظروف كتير صعبة بعتذر منك كتير وبتمنى منك انك تقدر ظروفي و انا عنجد بشكرك على كل معلومة عطيتني ياها بالنهاية بدي قلك انو انا بتمنالك حياة سعيدو والله يوفقك
باااااااااااااااااااااااي
نص الجواب أتمنى لك التوفيق و حاول اتكون موجود بالربيت ... و أي شي فيني ساعدك فيه أنا جاهز ..

 
رقم السؤال 10
الاسم الكامل أحمد ناشد
نص السؤال مرحبااستاذ اليوم رفعت الموقع والحمدلله كل الامور تمام وهذا بفضل الله وفضل جهودك المبذولة والله يعطيك العافية وبتمنى تشوف الموقع واذا في اية ملاحظات مشان اعدلهااا
www.alep-vet.com
نص الجواب ألف مبروك
شغل كتير حلو ما شالله عليك

بس مشان موضوع الكونترول و السكرول مع الماوس مشان تكبير و تصغير حجم الخط لازم تربط ملف css مع باقي الخلايا بالجدول مشان يبقى على نفس نسبة حجم الخط و ما يسبب تشويه لشكل التصميم العام

و الموقع ما عليه أي نقد تاني
أتمنى لك التوفيق
دمت بخير ..

 
رقم السؤال 8
الاسم الكامل ميس صاري
نص السؤال كيفك استاذ
انا رفعت موقعي لكن كل صور الموقع ماعمتطلع علما اني رفعت مجلد ايمج(كان في مجلد ايمج للموقع اللي قبله)شكرا
نص الجواب اتأكدي من روابط الصور .. يعني منفوت على الدريم ويفر و منشوف من وين عم ياخد الروابط , في حال كانت صفحة الإندكس جانب مجلد الصور لازم يكون الرابط على الشكل التالي:

src=\"image/anyname.jpg\"

و في حال ما كانت الصفحة جانب الإندكس لازم أعرف الدليل الصحيح للصورةو حطو بالسورس

* مو مشكلة استبدال الفولدر القديم للإيماج باللي عندك في حال ما كان بيحتوي على شي مسبقاً لإنو بيجي فارغ مع الموقع بالأول

و أهلا و سهلا